![]() |
![]() |
![]() |
|
![]() |
عندك صوره .. لسيارتك ،، موبايلك ،، غرفتك ،، لاب توبك ،، عطرك <الي يصير .. شآركونـآ ,
(الكاتـب : ) (المشاهدات : 271076 )
Adobe Photoshop 2024 v25.4.0.319 برنامج الفوتوشوب لتحرير الصور والتصميم نسخة مفعلة
(الكاتـب : ) (المشاهدات : 119896 ) |
![]() |
![]() |
![]() |
![]() |
![]() |
![]() |
|
![]() |
![]() |
![]() |
![]() |
![]() |
![]() |
![]() |
![]() |
![]() |
![]() |
![]() |
![]() |
|
![]() |
![]() |
![]() |
![]() |
![]() |
رقم المشاركة : 1 | |||||
|
![]() ![]() السلام عليكم ورحمة الله وبركـاته قصه حصلت بإحدى مدن القصيم قديما .... كان فيه شاب ![]() وكانو مبسوطيين وعايشين بكل سعاده وخير مع شح وفقر ذاك الزمان المهم امه العجوز شبت عليه وقالت له ياوليدي ورى ماتعرس وودي تزووج علشان اشوف عيالك قبل مااموت وهو يقول بسم الله عليك عقب عمرن طوييل يوووه المهم الححت عليه وهو وافق وخطبتله امه هاك البنيه ( اللي كللها ملح( الولد عقب العرس ..ماينلام استانس بحريمته وتوافق هو وياااه الحمدلله كل يحب الثاني ويودده لكن المشكله عاد ب( المامي) تقل تضايقت شوي من الوضع(نغرت( >> وهذي فطره عند اغلب الحرييم الكباار خاصة مع عيالهم >>غصبن عليها بدت إذا جاء الولد عقب الظهر داايخ من الشغل وده يتغدا ويناام قبل يأذن العصر. وأول مايصك باب الغرفه هو والمره إلاّ والوالده رانعتن عليهم الباااب ( تنكيد يعني) قومو صللو يالله وان كان هو ماأذن تطق وتقول قومو توللمو توضو قبل الاذاان.. ورزح هالباب ماتواطنهم بالغرفه تنهبل والولد ماغير ( يقول إنا لله وانا اليه راجعوون ) وش جاه أمي وتطوور الوضع بدت العجيّز إذا منّهم نامو بالليل واوّل مايتواسوون تطق الباب قومو تسننو صلّو صلاة الليل. قومو أوترو.. قومو قومو.وماغير تهجدهم وترجدهم بالليل وانهار المهم الولد تضايق بالحيل تنكّدت عيشته مايدري وش يسوي الوالده صارت قشراء ماتعبّرهم داخليين بالغرفه تنهبل على طول... ومرّه الولد كان عند رفيقن له يقالّه ابوصالح (معرووف بالعياااره )كان يتقهوى ومع السواليف قص عليه السّالفه حقّته مع أمه وشكى على رفيقه ابوصالح حاله قال ابوصالح انا اعرف علاج امّك زيين بس تطاوعن؟؟ قال الولد تكفى اللي تبي بس فكّنا ياشيخ قال أجل ابقوللك : نبي نسوّي خطّه انا وانت بس لازم تطبقها تمام والا ترى تبي تخرب عليك قال الولد .. تكفى قللي المهم قاله الطريقه واتفقوا يوم صار من باكر عقب العصر جاء ابوصالح لبيت الولد وطق عليه الباب طق طق طق ابو فلان ابو فلان وبدا يصوّت ابوفلان )كانت بيوت الاولين صغار بالحيل وهدوء لدرجة ان اللي بالبيت يسمع كلام اللي بالشارع والعكس( المهم طلع الولد قال ياهلاااااا ابو صالح يالله حيه ادخل اقلط تقهو قال ابوصالح لاوالله يا بوفلان أنا عجل بس جيت ابي منك طلب وابمشي (طبعا رافعيين اصوااتهم علشان تسمع العجيّز- وهي ماقصّرت جادعتن إذنه تبي تدري وش يبي ابوصالح بولده) قال الولد ادخل يارجال واطلب الّي تبي الّي تبي بس تقهو قال ابوصالح .. الّي ابي؟؟ ماتردّن قال الولد : والله ماأردّك لو تبي كل بيتي ومابه بس ادخل .. إلاّ شي واحد ماأعطيك إياااه قال ابو صالح وشّو؟؟ هالشي؟؟ قال الولد: لاتجي بس تبي تخطب أمي؟؟ ترى هذي اسمحلي ماأقدر إطلب كل شي إلاّ هذي .. قال ابوصالح وراااه؟؟ قال الولد : الله يعظّم أجره أميمتي تقوّمنا لصلاة العصر قبل يأذّن وتقومنا نتسنن بالليل . وتقومنا نووتر قبل الفجر . وتقومنا للفجر حريصتن علينا والله مااأفّل به ابد الله يخلّيها لنا ان شاء الله قال ابوصالح : والله الصّراحه أنا جااين أخطب الوالده أجل قاال الولد لااااا ياخووي أجل طس لاتقهوى ولاشي مع السلامه . والوالده مهيب معرسه (كل هالكلااااام والعجيّز تسمع!! ومنهبله) راح ابوصالح والولد صك الباب دخل الولد والى الوالده بوجهه قالت منهو ذااا؟؟ وش يبي؟؟؟ قال ياميمتي هذا خبل سايح وطلب منّي طلب وطردته ( مابقى إلاّ هي بعد) اسكتت وهي منقهره تبي تنفجر وجاء الليل ونامو ولاقامو إلاّ الضحى وجاء الظهر ونامو وماطق عليهم أحد والعصر جاء الولد لأمه قال ياميمتي سلامااات؟؟ ماقوّمتينا للصلات الفجر ولا العصر عسى مااااشر يووه؟؟ قاالت العجييز: قومو أنتم عسااكم للكسااميير خلاااص انا منب دايمتن لكم خخخخخخخخخ وبدت ماتطق عليهم وافتكّو وهي على رجاء خطبه ابوصالح ههههه القصه قصيميه بحته يعني ماراح يفهمه إلا أهله خخخخخخخخ وهذا قاموس لغير الناطقين بالقصيميه ههههههه شبت = ألحت ,,,,, يووووه = ماما ,,,,, حريمته = زوجته ,,,,, رانعتن الباب = طارقه الباب بعنف توللموا = تجهزوا ,,,,,, رزح = طرق بقوووه ,,,,,,,,, اقلط = تفضل ,,,,,,,, جادعتن أذنه = تسترق السمع خخخخخخ ,,,,, ماأفلبه = لا أفرط فيها ,,,,, أنا منب دايمتن لكم = أنا لن أدوم لكم ..... أتمنى تعجبكم القصه وأبطال القصه >>>> المواضيع المتشابهه:
![]()
|
|||||
![]() |
![]() |
رقم المشاركة : 2 | |||||
|
![]() ههههههههههههههههههههههههـ، مآ ينفع معآهـآ إلآ كذآ صحيح أمه بس تقهر تصرفآتهـآ ![]() الله يكفينـآ شر الغيره ولآ يرزقنـآ بأم زوج زيهـآ ![]() يعطيكِ العآفيـه ![]()
|
|||||
![]() |
![]() |
رقم المشاركة : 3 | |||||
|
![]() هههههههههههههههههه مب صاحيه ذا العجييز " بس لقى دواهــأ خخخخ >> عوآفي أخووي !
|
|||||
![]() |
![]() |
رقم المشاركة : 4 | |||||
|
![]()
هههههههههه رااائع استاذي
|
|||||
![]() |
![]() |
رقم المشاركة : 5 | |||||
|
![]()
ههههههههههههههههههههههههههههههه
تسننو صلّو صلاة الليل. قومو أوترو < مآشآءلله يالدين ![]() زوجته ونشبت به ![]() عوآآفي ![]() ![]()
آخر تعديل سآره آلمحيميد يوم 23-03-2011 في 09:22 PM.
|
|||||
![]() |
![]() |
رقم المشاركة : 6 | |||||
|
![]()
هههههههههه
اشونه مب امي ![]()
|
|||||
![]() |
![]() |
رقم المشاركة : 7 | |||||
|
![]()
هههههههههههههههههه
والله إنه حريمةٍ فلللللللللللله وولد ذكي الله يهديهم بعض الأمهاات به حب التملك ماتبي أحد يأخذ ولده مشكوور أخوي أحمد ع القصة التووحفه دمت بخير ودام عطاؤك
|
|||||
![]() |
![]() |
رقم المشاركة : 8 | |||
|
![]()
هههههههههههههههه
الحين هي اللي قايلتله تزوج وبالنهايه تزن عليهم
|
|||
![]() |
![]() |
![]() |
![]() |
![]() |
![]() |
![]() |
![]() |
|
![]() |
![]() |
![]() |
![]() |
![]() |
![]() |
![]() |
![]() |
![]() |
![]() |
|
![]() |
![]() |
![]() |
![]() |
|
|
|