من طق بيبان العرب طق بابه

من لاينال الطيـب فـى أول شبابـه
ماظن يظفر به ليا عارضـه شـاب

ومن لايميز فـي خطـاه وصوابـه
لوصاب مره عشر مرات ماصـاب

ومن لاعلى جسمـه يفصـل ثيابـه
والله ليوضع فوق ضرس وتحت ناب

ومن لايعرف القيـظ يتبـع سرابـه
ويصبر على لفح السمايم والاتعـاب

ومن طق بيبان العـرب طـق بابـه
ولاضاع حق ومن ورى الحق طلاب

والسيف قـوة سلتـه مـن نصابـه
ولاخير في سيفٍ يجرب في الاقراب

ياللـي تبـي قـدرٍ رفيـع ومهابـه
ابعد عن الشباك وادخل مـع البـاب

وحاذور من جحر الخبـاره ودابـه
ترى الوقايه خير من كـل الاطبـاب

ولاتعتـرض لـك عيـةٍ تبتـلابـه
دامك معافـى لاتعـرض للاسبـاب

ولاتـارد الا اللـي عـذيٍ شرابـه
عد الوبا مايشربه كـود مـن خـاب

والجار لو عـن داره ابطـا غيابـه
خلك وصيـه لاتخونـه اليـا غـاب

والضيف رحب بـه وكـرم جنابـه
وقدم له الميسور من كـل ماطـاب

وتبشر بقول ونعم فـي كـل جابـه
ويزداد قدرك بين ربعك والاجنـاب


الشاعر "ضاوي بن عايض العصيمي

المواضيع المتشابهه:

• أسلوب الكتابة لدى كتابنا العرب
• من روائع صفات العرب
• )(لورنس العرب)(
• )(لورنس العرب)(
• قصة معركة ذي قار

الموضوع الأصلي: من طق بيبان العرب طق بابه || المحرر: ابوسلطان || المصدر: منتديات أسرة الصريخ

www.alsuraikh.com

كلمات البحث

العاب ، برامج ، سيارات ، هاكات ، استايلات

 

ما شاء الله تبارك الله.. اختيار رائع يابو سلطان شكرا لك

 

شاكر مرورك عم ابوناصر لاهنت

 

اقتباس : المشاركة الأصلية كتبت بواسطة ابوسلطان [ مشاهدة المشاركة ]

شاكر مرورك عم ابوناصر لاهنت

يا ولد خالي مد كفك ويمناك... إخو(ن) عزيز(ن) ما ندور بديله