يوم ركعت واحس الشماغ صار خفيف مرررره

. ((موقف لواحد بزوع توهق وصلا بجماعة المسجد شوفوا وش صار له))

--------------------------------------------------------------------------------

بسم الله الرحمن الرحيم
اللهم صلي وسلم على نبينا محمد وعلى اله وصحبه وسلم
اليوم ياشباب اميت ناس بالمسجد, ومسجد صح ست صفوف
,وحركتات, وتكيف ,ولمبات, ونظافه ,وزحمة...الخ وتلقفت انا اخوكم
ماجا ((الامام)) واميتهم وشف الهبال!! اول مره يصلون شكلهم مع
واحد الله يستر علينا وعليه (^_^) المهم كبرت والي وراي تمام
وانا اقرى الفاتحه-ترتيل تمام-((ولا الضالين)) وجي اسمع من ورى
آآآآآآآآآآآآآآآآآآمـــــــيـــــــــن
وجي ارفع راسي لسراميك المحراب الي قدامي والله لا يوريكم تشوف
القراءة تغيرت الترتيل ((راح وطي)) التجويد ((قراءة بزر)) والرجلين
((ططططقققق)) والله مو اول مرره اام ناس ولكن الصوت مرعب والمهم
قرينا السورة بحمد الله يوم ركعت واحس الشماغ صار خفيف مرررره
وامسك الشماغ وينه؟! هاه وين الشماغ وتدرون اثر الشماغ تعلق بالمايك..
لا واسمعو بعد احس ان الجماعة حسوا اني صحيصح , والمهم بالركعة
الثانية ابقرى النبأ اولها وماشي تمام; راحت الرهبه شوي وجي يرد علي
واحد يارب انك تهديه.. طبعا انا ماشي صح بس هو رد علي غلط وين وداني
وداني لسورة التكاثر((واو)) وامشي على رده يوم دريت الصورة قضت هاه وشو
الصورة قضت اخبر الصورة طويلة ولا فيه امل انها تقضي بهالسرعة ابداا والمهم
واركع والركوع تحسبونه سبحان ربي العظيم لا رحت وعدت السورة الي قريتها
النبأ من اولها مره ثانية وجي اقوم علشان مايشكون بأني نسيت او شي
ولكن خلها على ربك نكمل السالفة وجي بالتشهد الاول قمت ولا قعدت وااو
وجي انسى طبعا قعدو هم وانا يوم شفتهم قاعدين قعدت وهاذي الطامة الكبرى
المهم مشيناها وجي نسلم وقضت الصلاة وانزل الشماغ وقعدت نص ساعة
ما درت بوجهي لمهم وجي انزل شماغي خمس دقايق وطلعت لا ومسرع
ولكن لحقني 6 شباب 2 مصريين والباقين سعوديين وشوفوا التعليم كيف
وجي يقولون لي اقوال العلماء بالقيام من التشهد والوجه احمر اصفر
ازرق بني رمادي عنابي برتقالي نيلي اللوان الطيف كلها بوجهي
وبعد هذا الموقف قررت بأن لا اام احدا ابدا الا اذا صارو بزران
لا ومهابيل بعد ههههه ارجو منكم تقبل موضوعي البايخ وشكرا..






الكاتب/تمر القصيم

المواضيع المتشابهه:

• اجمل مكياج العيون و ميك اب عيون خفيف وناعم
• اجمل مكياج العيون و ميك اب عيون خفيف وناعم

الموضوع الأصلي: يوم ركعت واحس الشماغ صار خفيف مرررره || المحرر: احمد صالح محمد المحيميد || المصدر: منتديات أسرة الصريخ

www.alsuraikh.com

كلمات البحث

العاب ، برامج ، سيارات ، هاكات ، استايلات