من ضاع عقله ما يفيد العيوني ..

هذه قصيده لأحد تجار المخدرات و جدت في جيبه بعد تنفيذ حكم الإعدام فيه
سمعت قصة واحد في السجوني *** يقول انا للذبح با لسيف هايب
يقول افضل بالرصاص اقتلوني *** والعين من حوله تحول العصايب

لعل بعض الناس ما يعرفوني*** ودي لوالتنفيذ والنور غايب
انتم عرفتم قصتي وأرحموني*** اخشى على بويه تطول(ه)المعايب

لويعرف اني مروج(ن) للفيوني *** وإنّي لشره لأهل الإسلام جــــايب
مدمن حشيش ومثقل(ن)بالديوني *** يدعي عليّ دعواه لاشك صايب

لاتخبرون اللي بطبعه حنوني *** الوالدة تكثر عليها المصايب
اخاف لادريت يصيبه جنوني *** وتصير معتاله على رأس شايب

من ضاع عقله ما يفيد العيوني *** والعقل من رب الخلايق وهايب
واللي جرحني زايد(ن) بالطعوني*** قلبي عليه من اول العام ذايب

جماعتي من لابتي قاطعوني***كيف الفتي ينساه حتى القرايب
كل السبايب شلة دهوروني*** صار الثمن رأسي عليه النصايب

حسبي عليهم شلة ضيعوني**** الموت حان وشد يمي ركايب
مشيت في درب السراب مغبوني*** * والعقل في درب المهاميل سايب

الله يرميهم مثل ما رموني**** موت المهونة شلتي به سبايب
ماطعت يوم الطيبين انصحوني**** ولاينصح الانسان غير الحبايب

يالله وامرك بين كاف ونوني***** خلقتني مابين صلب وترايب
عوض علىّ دنياي واحسن ظنوني*** واغفر لمن قلبه عن الشين تايب
يا للي حضرتم مقتلي سامحوني*** هذي نهاية قصتي بالسبايب

الموضوع الأصلي: من ضاع عقله ما يفيد العيوني .. || المحرر: احمد صالح محمد المحيميد || المصدر: منتديات أسرة الصريخ

www.alsuraikh.com

كلمات البحث

العاب ، برامج ، سيارات ، هاكات ، استايلات

 

الأستاذ احمد:

الله يحمانا وياك من كل شر واخواننا المسلمين

 

مشكوووووووووور لاهنت موضوع توعوي راااااااائع اشكر

 

الله يرحمه ويغفر له ماقدمت يداه

لاتخبرون اللي بطبعه حنوني *** الوالدة تكثر عليها المصايب
اخاف لادريت يصيبه جنوني *** وتصير معتاله على رأس شايب

ليتك فكرت فيها قبل كل شيء بس الحين ماينفع الصوت لافات الفووت

الله يسامحك ويغفر لك ويتوب عليك

مشكوور أخوي ابو ضاري على نقل القصيده

دمت أخي بحفظ الكريم