حكاوي نسوان

سم الله الرحمن الرحيم
السلام عليكم ورحمة الله وبركاته
اللهم صلي وسلم على نبينا وحبيبنا محمدصلى الله عليه وسلم



(ليلى والذئب )



حكي لكم اليوم حكاية اتمنى ان قلوبكم تتسع لها
اسمعوا مني من فضلكم و لو كانت الحكاية ثقيله حبتين استحملوا والله
لمصلحتنا جميعا مش احنا لازم نتناصح ونتعاون مع بعضينا لكى نخرج من الدنيا
وربنا راضي عنا ان شاء الله قولو آمين …
الحكايه حكاية البنت ليلى والذيب
انا عارفه انكم تعرفوها كلكم لكن اليوم انا حاحكيها بطريقتى
اصل ليلى بنت بريئه وطيوبه ومسكينه خالص والذيب بتعها كان كل هموه السله
اللي فيها الأكل يعني ذيب بجد حيوان مفجوع عمال يرواغ البنت ويعمل نفسه
جدتها وهي ببرائتها وسذاجتها عماله تصدقه وتطاوعه في كل حاجه ولسان حال
الذيب بيقول ( ايه الغباوه اللي فيها البنت دي …..هي مافيهاش عينين ….مش
شايفه قدامها …ماتعرفش تميز )وفجأة
ولما كشف الذيب عن حقيقته …ابتدت تصرخ وتقول الحقوني …هو مين اللي
حيلحقك مالذيب خذ اللي عاوزه وطار ماتستغربيش ماهوا اصله ذيب بيهوى
الطيران …بيخلع لما يشبع طب يابنت ياليلى بتديه احكام ربنا ليه وتنادي بصوتك
العاليعاوزه حريتي ادوني حقوقي كامله …طب ربنا اداكي الخلع ماخلعتيه
من البدايه ليه ….ليه وافقتي وامنتيه على نفسك مش ربنا صانك ؟؟؟
ماتبكيش يابنت اصله الذيب ده دبور بيحب يعيش بين رحيق الأزهار مهو ذيب عيار
مالوش معيار عامل نفسه شهم ومغوار وبيبتسم لك ليل نهار ياعين اموه شايفه
مالوش سنان وعمال بيقول لك أنا اصلي انسان مليان حنان وكلي
عنفوان .ايوه ..ايوه …مهو كله حايبان …مايغركيش …دا هو مخبي طقم الاسنان
بالعربي كده مش باين للعيان …بيلبسه لما يحين الآوان ….قولي لي طب مين
الخسران ؟؟؟؟؟
يااختى ياحبيتي ياليلى ….خلي بالك توقعي وتغلطي ودايما اجعلي رضى ربنا
ورسوله نصب عينيك …خاصة وانتي في مأوى لبعض الذئاب البشريه …..ربنا
يحميكي ويسترك فوق الارض وتحت الارض و يوم العرض
وانتي ياختى ياليالي يااللي بتقولي ماتخفيش عليا ياختى اصل انا ناصحه وفاهمه
واحنا بنتسلى ..تسالي ؟؟؟ هي قراميش ماهو حيئرمشك ويرميك بسلة
المهملات …انتي مش معاي من اول الحكايه ماانا قلت لك الذيب كان طمعان
بالسله اللي مع البنت …افهميها انتي بئى ؟؟؟وانتي ايضا ربنا
يحميكي ويستر عليكي
اتمنى ان تكون اطلالتي خفيفه على قلوبكم لحسن يكون فيه حد متوجع من
الحكايه ديت ….كان الله بعون النازفات ….
وتوته توته خلصت الحدوته …..

المواضيع المتشابهه:

• حكاوي بيض

الموضوع الأصلي: حكاوي نسوان || المحرر: صريخه || المصدر: منتديات أسرة الصريخ

www.alsuraikh.com

كلمات البحث

العاب ، برامج ، سيارات ، هاكات ، استايلات