المعطف الوردي

حوار بين عاشق وقلبه
...
..
.

ألا يادحيم لو تدري أجآوب ورقها لآنآح
خفوقي للحزن مخزن يسر الجرح لاصآبه

دهآليز من الضيقه واخبره يالصحيب فسآح
بصيص آمآلها قفل بوجهي بآقي أبوآبه

مشاريع العمر تنجح إلامن حووطت بكفآح
سوى مشروعي الرآهن يشيب الصبر مآجآبه

لأن اللي وضع لأجله يحآرب فكرة الإنجآح
ولكني عجزت اقنع خفوق رآح يشقآبه

اقول اترك مشآريعه كفآية مآتطيق جرآح
ولآتدخل بحور الحب لو مسكنك في غآبه

اقول ابعد . . اقول انسه لعلك تهجع وترتآح
عيوني لآومرت الدمع قالت : صآرت طلآبه !

تأقلم . . عيش من دونه . . كفآية عيشة الأترآح
ترى في غيرها سلوه لو الأحزآن غلآبه

كفآيه عشقك الوحده . . وجلسآتك مع الأشبآح
كفآيه طردك المقفي واللي صآبك من أسبآبه

نظر لي في ذهول وقال : تجهل مهنة الجرآح
أمآمك درس تطبيقي : خفوق وفآقد أحبآبه

هي المشروع في عمري . . ولا أبغى من سواها أربآح
ولو ضآقت بي الدنيا وكل كشر بنآبه

انا في حبها مأسور . . أنا من حبها مجتاح
خفوقي تملكه مبطي وتآمر به وتنهى به

أحبه كثر دقآتي . . وأبي أكتم ولكن باح
يزورن طيفها لا أظلم علي الليل وأحيا به

يالبى بسمتك والله . . يالبى المبسم الذبآح
يالبى عودك اللين . . وجسم يتعب ثيآبه

يالبى شعرك الضآفي . . يالبى خدك الوضاح
فديت عيونك الحلوه . . مع السلهآم بأهدآبه

فديت المعطف الوردي . . وريحة عطرك الفوآح
وهمسك . . مشيتك . . كلك يانور العين جذآبه

وش أوصف . . وش أخلي . . جمآلك يعجز الشرآح
ولآفآقه سوى حبي . .هوآك أعجز عن إعرآبه

كرهت النآس . . فآرقته . . ولآزم بآبي المفتآح
وخص اللي على قلبي تمآرس قآسي إرهآبه

دخيل الحب والأشوآق . . كم لي ما اهتني بمرآح
وإلامني سئلت اقبل علي الدمع بإجابه

أمانه يادحيم أخر مراسيلك مع الإصبآح
لأني ما اعرف التخصيص والنغمآت تتشآبه

يفز القلب يحسبها رجوع الغالي اللي رآح
اقبل رآس ذآك اليوم واحفل فيه لآجآبه

وإذا قبله على موتي سمعتوا يآدحيم صيآح
أمآنه كان بك خوة قفوا بالنعش في بابه



زاهي الخليوي النماصي

الموضوع الأصلي: المعطف الوردي || المحرر: زاهي || المصدر: منتديات أسرة الصريخ

www.alsuraikh.com

كلمات البحث

العاب ، برامج ، سيارات ، هاكات ، استايلات

 

وش أوصف . . وش أخلي . . جمآلك يعجز الشرآح
ولآفآقه سوى حبي . .هوآك أعجز عن إعرآبه


-
رآئعه جـِداً ..

كُل الشكَر أخوي زآهي ~ْ

 

هلا وغلا تهاني


مرورك هو الاروع



مرورك انار متصفحي المتواضع