اهداء لابناء العم المحيميد ؟؟ - منتديات أسرة الصريخ بمحافظة عنيزة بمنطقة القصيم بالمملكة العربية السعودية

أكثر» · 01-04-2011, 11:48 PM

يعلم الله انني لستو بشاعر وانما هاوي وكنت اتمنى لولا الظرف اللذي حصل لنا ان نحضر الاجتماع الاول بضيافة ابناء العم المحيميد وكنت مجهز تلك المحاوله واعتذر عن اي نقص او عجز فيها ليست الا تعبير عن شعور
محبكم ابوسلطان الصريخ
----------------------------------------
يامرحبا مليون مليون واليوم
يشوش راسي باجتماع القرابه
يوم التلاحم بيننا لاح بعزوم
من سطروا تاريخ كلاٍ درابه
عيال عم ونفتخر جد بقروم
رجال تصبح درع للي لجابه
قالو تواصلنا من سنين مثلوم
لازم يعاد نزيد فيه الكرابه
سنوا لنا سنه لها وقت معلوم
تجهزوا للجمع وابدو ذرابه
عيال صالح والحمد جدهم دوم
يذكر رحمه الله عز وطيابه
محمد محيميد تصغير من يوم
سنه صغير وراح خاله سرابه
ذيك السنين امه معه شي مقسوم
حل الفراق المر طول غيابه
راح الصريخ ارّث محيميد مرحوم
ٱسره كبيره في بريده رقى به
للمجد والعليا تَنافس الى اليوم
وقت اللزوم تعد تبدي صلابه
صغيرهم للضيف لوكان مزموم
بيده يمد الطيب عاده ربى به
والدله الصفراء تلاَمع ومشموم
هيله مع الفنجال مابه غرابه
يلقى كرم حاتم يسطّر مع سلوم
قومٍ لهم تاريخ ٱصل ومهابه

المواضيع المتشابهه:

الموضوع الأصلي: اهداء لابناء العم المحيميد ؟؟ || المحرر: ابوسلطان || المصدر: منتديات أسرة الصريخ

www.alsuraikh.com

كلمات البحث

العاب ، برامج ، سيارات ، هاكات ، استايلات

02-04-2011, 12:03 AM

صحيح هي إهدآء للمحيميد ويستآهلون والله ,

لكن حبيت أرد عليك ,

رآئع صرآحه وكأنك متمرس بالشعر وبحوره ,

دمت لنآ بصحه وعآفيـه ~

وَ كُل الشكر والتقدير لشخصك الكريم "

أكثر» · 02-04-2011, 04:42 AM

مبدع كما هي عادتك شاعرنا الكريم

محـمـد محيمـيـد تصغـيـر مــن يــوم

سـنــه صـغـيـر وراح خـالــه سـرابــه

أهااا اثر هذي قصة المحيميد وانهم ابناء عمنا بسبب تصغير الأسم بس ياليت دام فيها إن خاله سرابه نبي نعرف القصة كامله ولوين خاله راح به واللي بسببها تسموا المحيميد

مشكوور شاعرنا الفاضل لاهنت على هالأبياات الروعه ويستاهلون المحيميد هالوصف اللي جااهم وماقصروا والله يجزاهم كل خير اللي بادروا بالإجتماع مع عيال عمهم وعسانا نجتمع وياهم بجناات الفردوس اللهم آآمين

أكثر» · 02-04-2011, 01:17 PM

الف شكر تهاني وخلود على مروركم على تلك المحاوله لاهنتوا ويستاهلون اكثر

02-04-2011, 06:14 PM

صح لسانك يابو سلطان

أكثر» · 02-04-2011, 06:21 PM

شاكر مرورك صريخه على تلك المحاوله الف شكرا

أكثر» · 02-04-2011, 06:22 PM

مشرفتنا خلود جواب على تسالك

اقرئي يمين الشجره فوق ال الصريخ وتفهمين

أكثر» · 02-04-2011, 11:50 PM

يستاهلون عيال العم
والله الواحد يفرح بشوفة الجماعة بمكان واحد
عسى الله لا يغير علينا إلا للأحسن دائما

أكثر» · 03-04-2011, 10:58 AM

شاكر مرورك دكتورعبداللطيف اسعدني تعليقك لاهنت

05-04-2011, 10:59 PM

يامرحبا مليون مليون واليوم = يشوش راسي باجتماع القرابه
يوم التلاحم بيننا لاح بعزوم = من سطروا تاريخ كلن درابه
عيال عم ونفتخر جد بقروم = رجال تصبح درع للي لجابه
قالو تواصلنا من سنين مثلوم = لازم يعاد نزيد فيه الكرابه
سنوا لنا سنه لها وقت معلوم = تجهزوا للجمع وابدو ذرابه
عيال صالح والحمد جدهم دوم = يذكر رحمه الله عز وطيابه
محمد محيميد تصغير من يوم = سنه صغير وراح خاله سرابه
ذيك السنين امه معه شي مقسوم = حل الفراق المر طول غيابه
راح الصريخ ارّث محيميد مرحوم = اسره كبيره في بريده رقى به
للمجد والعليا تنافس الى اليوم = وقت اللزوم تعد تبدي صلابه
صغيرهم للضيف لوكان مزموم = بيده يمد الطيب عاده ربى به
والدله الصفراء تلاَمع ومشموم = هيله مع الفنجال مابه غرابه
يلقى كرم حاتم يسطّر مع سلوم = قومن لهم تاريخ اصل ومهابه

اطربتنا ياولد عمي ابياتك .... وحنا مالتقيناك
وشلون لو هي بصوتك .... وشوفة محياك

الإهداءات
إضافة إهداء