هذي عنيزه تشفي اللي يطبه ؟؟؟
 

من مثلها من قدهــا بالمـحبـه
معشوقتـي عشـق الملا بالملايـيـن
هذي عنيزه تشـفـي الـلـي يطـبـه
لوهو مريض اسنيـن يلقى رياحين
فيـهـا لعبنـا بارضهـا فوق تـبه
وفيها مشينـا بسهلهـا كالسلاطـيـن
لـيـل الشتـاء لاحــل عـطـره بشـبـه
للنار تدفـيـنـا عـــن الـبرد سـالـين
يامـا دخلنا من المطر تـحت قبـه
تظلنـا بـين الـشوارع ولاهـيـن
والا بيوت الطـين والشـمـس شـبْـه
مثل الذهب جدرانها لاشرقت شيـن
اهله ربو بالطيـب مـااحلاه خبْـه
لامن لـفـاهـم ضـيـف قامو مهـلـيـن
فيـهم كرم يَـكرم ولاهي مسـبـه
عن حاتم الطائي من سنين وسنين
هذا من الـذكرى لـديره نـحـبـه
مـن زود حبـه قـالـوا انا مجانـيـن
اول وتـالي مجمـله فيه حبـه
نقش الصخر بالقلب بعلاه ماشين
ومـن شافهـا ذالحيـن هلل وشـبـه
ذي جنـة الدنيـا مكمل بها الزيـن

صح لساانكـ شاعرنا الكريم

وصف رائع لحب بات بقلب عاشق منذ الصغر وماازل عشقه لها ينبض بهيئة ابياات يوافينا بها بين الفينة والأخرى

مشكووور أخي أبا سلطان

دمت بحفظ الرحمن

شاكر تكرمك بالمرور مشرفتنا لاهنتي واسف على تاخري بالرد تحياتي

صح لسانك ماقصرت فعلا عنيزة عشق الجميع

السلام عليكم

ماشاء الله يابو سلطان صح السانك بس ياليت كانت القصيدة مكتوبة على جدران احد البيوت القديمة التي لدينا من بيوت عنيزة ، وأعتقد أنه يمكن ذلك من خلال الصور التي صورنا سابقاً .

شكراً لك يا أبا سلطان